Shefi i stafit të presidentes së Kosovës, Vjosa Osmani, Blerim Vela, ka thënë se draft-statuti i dorëzuar në takimin në Bruksel në mes kryeministrit Kurti dhe presidentit serb Vuçiq, qe një draft-statut i ngjashëm me statutin e Vojvodinës.
Me anë të një postimi në Twitter, Vela ka deklaruar se një draft-statut i tillë duket se ka qëllim të rikonstruktimit të autoritetit serb në Kosovë.
“Synimi i tyre duket të jetë rikonstituimi i autoritetit autonom të Serbisë në Kosovë, njësoj si Vojvodina, me qëllim të zhvlerësimit të institucioneve të Kosovës. Ky draft nuk do të kalojë!”, ka deklaruar Vela.
Krahas kësaj, Vela ka publikuar edhe faqe të statutit të Vojvodinës, duke i krahasuar me faqe nga draf-statuti i propozuar nga Ekipi Menaxhues.
The ASMM Management Team submitted Serbia’s version of the statute, which is very similar to Vojvodina’s statute.
Their aim seems to be re-constitute Serbia’s autonomous authority in Kosovo, same like Vojvodina, with the aim to nullify the 🇽🇰 institutions.
This ASMM won’t fly! pic.twitter.com/CJINtc12b2
— Blerim Vela (@Blerim_Vela) May 3, 2023
Kryeministri i Republikës së Kosovës, Albin Kurti, ka deklaruar pas takimit në Bruksel se draft-statuti i propozuar për Asociacionin e Komunave me shumicë serbe ishte fundamentalisht i papranueshëm.
Në një fjalë për media pas takimit me presidentin serb, Aleksandër Vuçiq, në Bruksel, Kurti ka deklaruar se ai ka propozuar vetë një, siç e quan ai, “draft-vizion”, pasi kishte dëgjuar dhe lexuar draft-statutin e propozuar.
“Në këtë takim të sotëm, pas marrëveshjes për të pagjeturit, ne e dëgjuam me durim dhe vëmendje Ekipin Menaxhues, i cili prezantojë një draft-statut gjithsej prej 67 nene dhe pastaj dhamë qëndrimin tonë se një draft-statut i tillë, çfarë dëgjuam e lexuam, sidomos lexuam, është fundamenalisht i papranueshëm me kushtetueshmërinë, ligjshmërinë, demokracinë, të drejtat e pakicave sipas standarteve evropiane, dhe përkundër kësaj, ne do të jemi të interesuar të gjejmë zgjidhje. Andaj, në këtë rast unë propozva një draft-vizion si kryeministër i Republikës së Kosovës”, ka thënë Kurti.
Ky i fundit ka thënë se ka propozuar një vizion se si do të duhej të ishin vlerat, principet dhe korniza që rregullon çështjen e komuniteteve joshumicë.