Presidenti i Serbisë, Aleksandar Vuçiq ka reaguar menjëherë pas vendimit të Komisionit Qendror Zgjedhor(KQZ) që të mos certifikoj Listën Serbe për zgjedhjet nacionale të 9 shkurtit.
I përballur me protesta të përnatshme në Serbi nga mijëra protestues nga njëra anë e nga ana tjetër mashës së tij në Kosovë, Listës Serbe nuk i lejohet të marr pjesë në zgjedhje, ai është shfaqur i dëshpëruar në një kishë, si e vetmja adresë për tu rrëfyer për mëkatet e bëra nga ai dhe mashat e tij.
Përmes një postimi në Facebook, Vuçiq është ankuar për Listën Serbe në vend të tyre duke thënë se kryeministri i Republikës së Kosovës, Albin Kurti po përpiqet të eliminojë kundërshtarin e “vetëm politik në Kosovë”. Krejt kjo sipas tij, Kurti me ndihmën e aleatëve të tij po “dëshiron ta shfaros popullin serb nga Kosova”.
Vuçiq është ankuar edhe për mashën e tij në Bosnje e Hercegovinë, përkatësisht në Republika Srpska.
“Nëse Zoti është me ju, nga çfarë keni frikë? Nëse jo, për çfarë po shpresoni? Populli ynë në Republika Srpska është në një situatë gjithnjë e më të vështirë dhe, siç dëgjoj, me këtë rast i bëhet pritë edhe Parlamentit të Srpskës”, ka shkruar ai.
“Në të njëjtën kohë, Albin Kurti tani po përpiqet të largojë një kundërshtar të vetëm politik, në Kosovë…që është Lista Serbe. Kurti me ndihmën e aleatëve të tij dëshiron ta shfaros popullin serb nga krahina jugore[Kosova]. Gjithashtu, pres që në shtatë ditët e ardhshme të manifestohen sanksionet amerikane ndaj NIS. Kur kësaj i shtohen sulmet e frikshme të grupeve të ndryshme të presionit të brendshëm, është e qartë për të gjithë se qëllimi përfundimtar është kolapsi i Serbisë. Serbinë nuk ia japim askujt dhe Serbia nuk ndalet! Nuk ka dorëzim!!!”, ka shkruar Vuçiq.