Policia e Kosovës ka kërkuar ndihmën e qytetarëve për kapjen e dy të dyshuarve për vrasjen e rëndë në tentativë që ndodhi në mbrëmjen e së premtes në Pejë.
Të kërkuarit janë Adem Bulliqi, 25 vjeçar dhe Besnik Bulliqi, 31 vjeçar.
Teksa policia ka publikuar emrat dhe fotografitë e të dyshuarve ka njoftuar se ata posedojnë mjete të rrezikshme me vete dhe paraqesin rrezik.
“Personat e kërkuar janё: • Adem (Lulzim) BULLIQI i lindur me 18.10.1998 nё Pejë.
• Besnik (Lulzim) BULLIQI i lindur me 31.03.1993 nё Pejë. Tё pandehurit kërkohen për veprën penale: “Vrasje e rёndё nё tentativё” e cila ka ndodhur me datё 12.07.2024 rreth orёs 19:20, nё rrugën “ Jeton Dedushaj” nё Pejё, tё dyshuarit posedojnё mjete tё rrezikshme me vete dhe paraqesin rrezik”, thuhet në njoftimin e policisë.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet tutje në njoftim.