Policia e Kosovës ka dhënë detaje në lidhje me vrasjen, që ka ndodhur të premten e 28 prillit.
Sipas policisë, dyshohet se vrasja ka ndodhur për shkak të një mosmarrëveshjeje që ka pasur i nipi me axhën e tij, ku ky i fundit ka mbetur i vrarë.
“Raportohet se i dyshuari mashkull kosovar pas një mosmarrëveshje ka qëlluar me armë zjarri viktimën mashkull kosovar. Vdekjen e viktimës e ka konstatuar ekipi mjekësor në vendin e ngjarjes, ndërsa lidhur me rastin i dyshuari është arrestuar dhe nga ai është konfiskuar një pistoletë dhe një pushkë gjuetie. Me vendim të prokurorit i dyshuari është dërguar në mbajtje, ndërsa trupi i pajetë dërgohet në IML për obduksion”, thuhet në raportin 24-orësh të policisë.
Ndërsa, lajmin për Dukagjinin gjatë ditës së premte(dje) e ka konfirmuar drejtori rajonal i Policisë në Gjakovë, Lumni Graishta.
“I dyshuari është nipi, ndërsa viktima është axha i tij. Dyshimet fillestare janë se deri te vrasja ka ardhur për shkak të një çështjeje pronësore, megjithatë këto janë vetëm dyshime fillestare”, ka deklaruar Graishta.