Një vrasje në tentativë ka ndodhur në rrugën Sokol Sopi në Prishtinë rreth orës 18:30, me ç’rast janë arrestuar pesë të dyshuar, pasi që ishin rrahur në mes vete ku gjatë rrahjes janë përdorur armë zjarri dhe mjete të mprehta – thikë.
Nga pesë të dyshuarit, tre kanë pranuar tretman mjekësor pasi ishin therur me thikë.
Kështu bëhet e ditur në raportin e përditshëm të policisë.
Me vendim të prokurorit pesë të dyshuarit janë dërguar në mbajtje.
“Janë arrestuar pesë të dyshuar meshkuj kosovar, pasi që ishin rrahur në mes vete, ku gjatë rrahjes janë përdorur armë zjarri dhe mjete të mprehta-thikë. Si pasojë, tre nga të dyshuarit kanë pranuar tretman mjekësor, pasi që ishin të therur nga thika. Me vendim të prokurorit pesë të dyshuarit janë dërguar në mbajtje”, thuhet në raportin e PK-së.