Tash e sa kohë është organizuar një për këtë të diel në mbrojtje të krerëve të UÇK-së që ndodhën në Hagë.
Fillimisht, Kryeministri Kurti tha se nuk ishte njoftuar për këtë.
Pas kësaj, partia e tij, Lëvizja Vetëvendosje doli me një reagim ku ofroi mbështetje ndaj marshit, por emrin e vetëm që përmendi ishte ai i Rexhep Selimit, anëtarit të saj.
E, kjo nuk është që u bëri shumë përshtypje organizatorëve të këtij marshi.
“Ne e kemi pas dhe e kemi gjithëpërfshirjen për këtë marsh por njerëzit mund të vinë edhe për një arsye ose për një emër ose për shumë emra sepse liria ka shumë emra e unë nuk du me u ndalë në cilësime të përvetshme. Ne kemi dëshirë që atje të dërgojmë dashuri e solidaritet për secilin anëtar të UÇK-së. Secili le ta sheh nga prizmi i vet tash”, ka thënë Eliza Hoxha – “Liria ka emër”.
Ndërsa kritika të ashpra nga Vetëvendosjes ka Kryetari i Shoqatës së Familjarëve të Dëshmorëve të UÇK-së, Xhavit Jashari.
“Qëndrimi i Albin Kurtit dhe VV-së është një pafytyrësi e madhe nëse mund ta quajmë ashtu dhe kjo është një dëshmi që ky kryeministër nuk njeh interesat dhe vlerat kombëtare por njeh interesat personale, grupore dhe politike”, ka deklaruar Xhavit Jashari – Familjet e Dëshmorëve.
Nën sloganin “Liria ka emër” mbahet marshi për drejtësi në mbrojtje të ish-krerëve të UÇK-së të cilët po mbahen në Hagë e ndaj të cilëve të hënën do të nisë gjykimi.