Presidenti i Ukrainës, Volodymyr Zelenskyy, ia ka dorëzuar presidentit të Shteteve të Bashkuara të Amerikës (SHBA), Joe Biden, një medalje ushtarake nga një ushtar ukrainas në Bakhmut.
Presidenti ukrainas bëri të ditur se një kapiten, me të cilin, ishte takuar një ditë më parë në qytetin lindor, i kërkoi atij t’ia kalonte medaljen e tij ushtarake, presidentit të SHBA-së.
“Çfarë nderi i madh”, tha Biden pasi Zelenskyy ia dorëzoi medaljen, përcjell Sky News.
Presidenti ukrainas tha se ishte një nder për të të ishte në Shtëpinë e Bardhë gjersa nuk kurseu falënderimet ndaj SHBA-ve për mbështetjen e tyre të deritanishme.
Ky është udhëtimi i parë i Zelenskyy jashtë Ukrainës qëkur Rusia filloi pushtimin e saj në shkurt.
Zyra e presidentit Zelensky e pranoi zyrtarisht ftesën për në Washington të premten e kaluar, përpara se vizita të konfirmohej përfundimisht të dielën.
Shtëpia e Bardhë e konfirmon se Zelensky do ta vizitojë Washington-in