Deputeti i Lidhjes Demokratike të Kosovës(LDK), Armend Zemaj i ka reaguar ashpër Ministrit të Punëve të Brendshme, Xhelal Sveçla dhe ministres së Ekonomisë, Artane Rizvanolli të cilët u panë teksa bisedonin me minatorë të Trepçës duke u kërkuar të gjejnë “kush po vjedhë” në ndërmarrje derisa ata nuk kanë marrë pagë prej tre muajsh.
Zemaj i ka kritikuar për mënyren e përdorimit të parasë publike dhe tenderët njëburimorë.
“Minatorët ishin dhe do të jenë krenaria e Kosovës! Hajnitë i gjeni në 1805 tenderë sekret tuaj, në më shumë se 240 milion nga këta tender, në miliona keqpërdorime në barna, në 31 milion shpenzime të luksit, në bordet që ju i keni kapur, e në fondet që ju i keni krijuar dhe i mbani sekret”.
“Minatorët mund t’i mashtroni siç i mashtruat, por hajna nuk mund t’i bëni kurrë”, ka shkruar Zemaj në Facebook.
