Trump nis turneun diplomatik në Azi, në pritje të takimit me Xi Jinping dhe Vladimir Putin
Presidenti amerikan pritet të marrë pjesë në takimin e vendeve të QUAD-it në Manila, përpara vizitës në Kinë, ku është planifikuar një takim trepalësh me liderët kinezë dhe rusë.
Presidenti i Shteteve të Bashkuara, Donald Trump, ka nisur udhëtimin diplomatik në Azi, ku në fokus janë marrëdhëniet me Kinën, siguria rajonale dhe zhvillimet ndërkombëtare.
Sipas Reuters, Trump pritet të marrë pjesë në takimin e parë të liderëve të QUAD-it pas dy vitesh. Në këtë grup bëjnë pjesë SHBA-ja, Japonia, Australia dhe India.
Pas vizitës në Filipine, presidenti amerikan pritet të marrë pjesë në samitin APEC në Shenzhen të Kinës, ku është planifikuar edhe një takim trepalësh me presidentin kinez Xi Jinping dhe presidentin rus Vladimir Putin.
Vizita zhvillohet në një periudhë tensionesh tregtare dhe rivaliteti strategjik, ndërsa çështjet e sigurisë në rajonin Indo-Paqësor mbeten në qendër të vëmendjes.
Takimet pritet të kenë rëndësi për të ardhmen e marrëdhënieve mes tri fuqive të mëdha botërore















